ಸ್ವರ್ಣ ಮಯೂರ

ಎರಡು ವರ್ಷಗಳ ನಂತರ ಮತ್ತೆ ಬ್ಲಾಗ್ ಬರೆಯಲು ಉತ್ಸುಕಳಾಗಿದ್ದೇನೆ..ಇದಕ್ಕೆ ಸ್ಪೂರ್ಥಿ ನಮ್ಮ ಪುಟ್ಟ ಕಂದ..ಮಯೂರ..ಹತ್ತು ತಿಂಗಳ ಕಂದ..ನಮ್ಮ ಕಣ್ಮಣಿ..ಅವನ ಆಟ, ನೋಟ ಮೈಮನ ಸೆಳೆಯುತ್ತವೆ..ಅವನಿಗಾಗಿ ಕೆಲ ತಿಂಗಳುಗಳ ಮುಂಚೆ ರಚಿಸಿದ ಈ ಲಾಲಿ ಹಾಡನ್ನು ನಾ ಮರೆಯುವುದಕ್ಕೆ ಮೊದಲು ಇಲ್ಲಿ ಪ್ರಕಟಿಸುತ್ತಿದೇನೆ..

ಕಮಲ ವದನ, ಪದ್ಮ ಪಾದ
ಪದ್ಮ ಹಸ್ತ, ಬೆಣ್ಣೆಗೆನ್ನೆ, ತಿಳಿಗೆಂಪು ಕೆನ್ನೆ
ಚೆನ್ನಂದಾ ನಾಸಿಕವ ಹೊಂದಿದಾ ಮುದ್ದು ಕಂದನೇ
ಮಯೂರ, ಸ್ವರ್ಣ ಮಯೂರ

ದಿನವು ನಿನ್ನನು ಮುದ್ದಿಸೀ, ಮುದ್ದಿಸಿ
ಆ ಕಂಗಳಲಿರುವಾ ಮುಗ್ಧತೆಗೆ ಸೋತುಹೋಗಿ
ಆ ಕಡುಗಪ್ಪುಗಂಗಳರಿರುವ ಮುಗ್ಧತೆಗೆ ಸೋತುಹೋಗಿ
ತಿಟಿಯ೦ಚಿನಲರಳುವಾ ನಗೆಗೆ, ಆ ಪುಟ್ಟ ನಗೆಗೆ
ಮಾರುಹೋಗಿ..
ದಿನವು ನಿನ್ನನು ಮುದ್ದಿಸೀ ಮುದ್ದಿಸೀ ತೃಪ್ತಿ ಪಡುವಾ
ಅಮ್ಮ ನಾನು, ಕಂದ ನೀನು,
ಮಯೂರ, ಸ್ವರ್ಣ ಮಯೂರ

ಸವಿಗನಸನೆ ಕಾಣುತಾ
ಮಲಗು ನೀ ಮುದ್ದು ಕಂದನೇ
ದೇವರೊಡನೆ ಸಂಭಾಷಿಸುತಾ ಮಲಗು ನೀ
ಪುಟ್ಟ ಕಂದನೇ..
ತಾಸ ಬಳಿಕ ಎದ್ದು ಉಟ ಮಾಡುವಿಯಂತೆ
ಆ ವರೆಗೂ..ಮಲಗು ನೀ..
ಪುಟ್ಟ ಕಂದನೇ
ಮಯೂರ, ಸ್ವರ್ಣ ಮಯೂರ..

ಲಾಲಿ ಹಾಡು ಎಂದು ಮುಂಚೆ ಹೇಳಿದ್ದೇನೆ..ಬರೀ ಕವಿತೆಯನ್ನು ಪೋಸ್ಟ್ ಮಾಡಿದರೆ ಅದು ಹಾಡಾಗುತ್ತದೆಯೇ?
ಇಲ್ಲಿದೆ ಹಾಡು:
mayUra.wmv